დაე იცოცხლოს ქართულმა სპორტმა, რატომ ვკლავთ?

იცით პასუხი კითხვაზე – თუ რატომ არის საქართველოში თითქმის ყველა სპორტი მკვდარი?

არა? არც მე სიმართლე თუ გინდათ!

არადა კაცმა რომ თქვას სპორტსმენები არიან, მსოფლიოსთან ასე თუ ისე კავშირი გვაქვს (საბჭოთა კავშირს აღარ ვეკუთვნით), ინფორმაციის გაცვლა შესაძლებელია, ვიზებს იძლევიან საელჩოები (ნუ მეტად თუ ნაკლებად მაგრამ სპორტსმენებს არ ჩაგრავენ) – მაშინ რაშია საქმე?

ზარმაცები ვართ? ან უნიჭოები და შტერები?

არაა, ცდებით !!

 

ქართველ სპორტსმენთა წარმატების ჩამონათვალი არც თუ ისე ხელწამოსაკრავია როგორც ჩვენ გვგონია , მაშინ რახდება?

მე თუ მკითხავთ პრობლემა სახელმწიფოში და მის ძირითად მიმართულებებშია!

იმის მაგივრად რომ დააფინანსონ და ხელი შეუწყონ სპორტს , ახალგაზრდების ფიზიკურ და ჯანსაღ განვითარებას - შადრევნებს აშენებენ, პრეზიდენტის რეზიდენციას თეთრრი სახლის თითქმის იდენტურს აკეთებენ, ქალაქში უცნაური შესახედაობის ხიდებს დგავენ, ტერიტორიებს ფლანგავენ, შუქნიშნებს ცვლიან (მათი ალგორითმის ნაცვლად),სპორტულ მოედნებსაც აშენებენ, მაგრამ რისთვის კაცმა არ იცის – ფეხბურთელები ჩვენ არ გვივარგა და იმ დებილურ სტადიონებზე ისევ ძაღლებს და ბავშვებს თუ გაასეირნებს კაცი….

არადა სპორტისა და ახალგაზრდობის დეპარტამენტის ვებ გვერდზე რომ შეხვიდეთ ეროვნული ფედერაციების ჩამონათვალში 70მდე სხვადასხვა სპოტის სახეობას შეხვდებით.

• 1. ათლეტიზმის ფედერაცია

• 2. აირსოფტის ფედერაცია

• 3. ანტიდოპინგური სააგენტო

• 4. აფროსნობის ფედერაცია

• 5. ბადმინტონის ფედერაცია

• 6. ბეისბოლის და სოფტბოლოს ფედერაცია

• 7. ბიატლონის ფედერაცია

• 8. ბილიარდის ფედერაცია

• 9. ბოდიბილდინგისა და ფიტნესის ფედერაცია

• 10.ბრიჯის ფედერაცია

• 11. ველოსპორტის ეროვნული ფედერაცია

• 12. თანამედროვე ხუთჭიდის ფედერაცია

• 13. კალათბურთის ეროვნული ფედერაცია

• 14. კომპიუტერული სპორტის ფედერაცია

• 15. კრივის ეროვნული ფედერაცია

• 16. მაგიდის ჩოგბურთის ეროვნული ფედერაცია

• 17. მეკლდეურობის ეროვნული ფედერაცია

• 18. მთამსვლელთა ფედერაცია

• 19. მთამსვლელთა ეროვნული ფედერაცია

• 20. მკლავჭიდის ფედერაცია

• 21. მშვილდოსნობის ეროვნული ფედერაცია

• 22. მძლეოსნობის ფედერაცია

• 23. ნარდის ასოციაცია

• 24. ნიჩბოსნობისა და კანოეს ფედერაცია

• 25. პეინტბოლის ეროვნული ფედერაცია

• 26. პეტანკის ეროვნული ასოციაცია

• 27. რაგბის კავშირი

• 28. როლერსპორტის ფედერაცია

• 29. საავიაციო ფედერაცია

• 30. საბრძოლო ხელოვნებათა კონფედერაცია

და ბევრი სხვა კიდევ……

საიტზე არის ოლიმპიური ჩემპიონების შესახებ ინფორმაცია, წარსული მოვლენების გვერდი და მათზე უააამრავი სხვადსხვა რამე წერია და აბა თუ მიხვდებით ძირითადი სთამაშო სახეობების ჩამონათვალი რამდენ სპორტს მოიცავს?

არც მეტი არც ნაკლები 7 ს!! საინტერესოა რატომ არაა ამ ჩამონათვალში ბეისბოლი? ჰოკეი (რომელიც ბალახისაც გვქონია და ყინულისაც) და სხვანი?

თქვენ არ ვიცი გინახავთ თუ არა დარბაზები რომლებშიც ვარჯიშობენ ტანმოვარჯიშეები, მოფარიკავეები, მოციგურავეები და რავიც კიდევ რამდენი სპორტის სახეობის წარმომადგნელები, მაგრამ გეტყვით რომ დარბაზები არის გაღლეტილი, დაგნრეული, მოუმზადებელი, ნესტიანი და მოუვლელი…. გული მოგიკვდებათ ეს ყველაფერი რომ ნახოთ (თუ უკვე არ გინახავთ)

  საინტერესოა რატომ არის საქართველოში ყველაზე წარმატებული სპორტის სახეობები რაგბი  და ჭიდაობა? (ამის სტილებში ვერ ვერკვვევი მაგრამ ნუ ფაქტია არის) ნუთუ ამ ადამიანებს იმხელა მონდომება და სულისკვეთება აქვთ რომ ”ჩერეზ სილუ” ახერხებენ წარმატების მიღწევას?? იქნებ იმიტომ რომ ძალისმიერი სპორტია ორივე და უფრო ადვილია მასში წარმატების მიღწევა? მაგრამ რა მნიშვნელობა აქვს ამ დეტალებს, მთავარია გამოგვდის მაინც…

კიდევ ერთი და ყველაზე მტკივნეული საკითხი ნებისმიერ სპორტთან მიმართებაში (საქართველოს მასშტაბით) არის სპონსორების არ არსებობა ან მათი კრიჟანგობა (მგონი ეს სიტყვა ქართულია და სწორად ვიცი).

ისიც მესმის რომ დიდი კომპანიების უმეტესობას არ უნდა დააფინანსოს ბარდაგი და სერიოზული გაურკვევლობა , რომელიც სხვადასხვა ფედერაციებსა და კლუბებში ხდება, მაგრამ საიდანღაც ხომ უნდა დაიწყოს ყველაფერი არა?

საბჭოთა კავშირის დროს საქართველოში ტარდებოდა დიდი ტურნირები და უამრავი უცხოელი ჩამოდიოდა , ქართველები იმარჯვებდნენ კიდეც მაგრამ რა ხდება ეხლა?

რომელი საერთაშორისო ტურნირი იცით რაც უკანასკნელ პერიოდში საქართველოში ჩატარდა? ან ბევრი უცხოელი მონაწილე რომელზეც  ჩამოვიდა?

გუშინ მაგალითად ტარდებოდა კლასიკური რალი (რბოლა გრძელ დისტანციაზე, ალგეთის მიმართულებით) და სულ 3 მანქანას ჰყავდა სპონსორი 10დან (ნუ სხვესაც ეკრათ რაღაც ლოგოები მაგრამ მათ ეკიპირებაზე სპონსორის არსებობა არ შეინიშნებოდა) , არადა მართლა ბევრი მაყურებელი ჰყავდა ამ ერთობ ცუდ საყურებელ შეჯიბრს (რადგან მანქანებს მხოლოდ 30 –60 წუთში ერთხელ ვნახულობდით საგულშმეტაკივრო წერტილებთან), მაგრამ მეც და ბევრ სხვა ადამიანსაც დამამახსოვრდა სამივე სპონსორი მიუხედავად მანქანების სულ რამდენიმე წამიანი გაელვებისა და ვბჭობდით კიდეც ამ ფირმების პროდუქციასა და ავ-კარგიანობაზე.

მაშინ რატომ ვერ ხვდებიან დიდი ორგანიზაციები და ფირმები რომ მათთვის სულ ცოტა და არაფრის მომცემი თანხა, მათ ორჯერ მეტად წაადგებათ ვიდრე იმ მონაწილეებს თუნდაც?

მოკლედ რატომ არის საქართველოში სპორტი და მისი განვითარება ყველაზე ბოლო ადგილას სახელმწიფო კურსსა და ძირითადი პრიორიტეტების ჩამონათვალში?