შეყვარებული ვარ!!

დიახ დიახ….

ზუსტადაც რომ, არა ეს არაა ხუმრობა….

მე შეყვარებული ვარ – საქართველოზე

!!!!

__________________________________________________

გუშინ ფონდმა ”ერთგულებამ” ნეკრესის არქეოლოგიური გათხრის ყველა მონაწილე (ნუ ვისაც უნდოდა და არ ჩაეძინა დილით) წაგვიყვანეს კახეთში, იმ საბაზო ბანაკის და ადგილის სანახავად სადაც ჩვენ უნდა ვიყოთ (ყველა სხვადასხვა ვადით, მე მაგალითად 1 თვით მივდივარ მაისში)

ძალიან დიდი ხანი ვიარეთ ყვარელამდე და მერე იქიდან რაღაც პატარა სოფელში შევედით, სადაც დგას უზარმარი სახლი, დამახასიათებელი კახეთისათვის.ზუსტად ეს სახლი არის ბაზა, სადაც უნდა იცხოვროს ამ ექსპედიციის ყველა მონაწილემ. ძალიან მაგარი ადგილია, ულამაზესი ეზოთი და ყველაფრით რაც ექსპედიციაში საჭიროა.

ძალიან მეგობრული სასტავია , ყველას ძალიან ნორმალურად ეკონტაქტებიან (ჩემნაირ პინგვინებსაც და მცდონე და გამოცდილ სასტავსაც)

ამ ბაზაში ცოტა წავიხემსეთ და ვმობილიზდით იმ ადგილის საანახავად სადაც სამუშაოები უნდა ჩატარდეს. ნახევარი გზა, ნეკრესის მონასტრამდე ყვითელი ავტობუსით ვიმგზავრეთ, აი დანარჩენი კი ძალიან ძველი ”პაზიკით” თუ რაღაც მსგავსით რომელსაც ექსპედიიც ერთმა წევრმა ნაუტილუსი უწოდა.(მართლა ეგრე გამოიყურება.) კარტოფილებივით ვიყავით ჩაყრილები ამ უცნაურ გადაადგილების საშუალებაში,გზა ძალიან ოღროჩოღრო იყო და შიგნით ვინ როგორ მიფრინავ-მოფრინავდა და იცვლიდა ადგილს ვერ აგიღწერთ, ძალიან ბევრი ვიცინეთ ამ მგზავრობისას.

მინდა გითხრათ რომ ადგილი სადაც მივედით არის ზღაპრული, არა უფრო ჯადოქრული….

დაგრეხილი საშუალო ზომის ხეები, რომლებსაც ხავსი აქვთ მოკიდებული, უზარმაზარი ტყე , ხმაურიანი მოზუზუნე ქარი, ხეებზე აზრდილი ლიანები….

მოკლედ წუთი წუთზე ველოდებოდი ჯადოქრის გამოჩენას მაგრამ ეტყობა ბევრმა ხალხამ დააფრთხო იგი….

ულამაზესი ადგილია. ამ გორაკის წვერში დგას 6-7 საუკუნის ტაძარი, გარშემო აქვს ბევრი ნანგრევი, მაგრამ ყველაზე შთამბეჭდავია ის რომ –ტაძრის შესასვლელი გადაჰყურებს მთელს კახეთს თუ არა , მის დიდი ნაწილს მაინც….

მოკლედ გაოგნებული ვარ ისეთი ლამაზია იქაურობა (ერთი სული მაქვს როდის მოვა 21 მაისი)

მერე იქიდან ჩამოსვლისას ვნახეთ ცეცხლთაყვანისმცემლობის დროს აგებული ტაძარი, მზის(ცეცხლის) სათაყვანებლად. ეს ტაძარი თავის დროზე ალბათ სვეტიცხოველზე დიდი იქნებოდა! სასწაული რაღაცაა.

აქრეოლოგებმა გვითხრეს რომ ამ ტაძარს რაღაც ასრტოლოგიური დანიშნულებაც ექნებოდა იმიტომ რომ მზის ამოსვლისას ის ნაწილ ნაწილ ნათდება და მოკლედ ძალიან საინტერესოა რას ან როგორ იგებდნენ ამ ტაძრის მეშვეობით!!!

ულამაზესი ადგილია, იმედია რომ ჩავალ მერე ნეკრესის ნაქალაქარსაც დაგვათვალიერებინებენ!

აი ციტატა ფონდ ”ერთგულების ” საიტიდან:

”2009 წლის აპრილიდან საქველმოქმედო ფონდი ”ერთგულება” ნაქალაქარ ნეკრესის ტერიტორიაზე მდებარე წმ. სამების სამეკლესიანი ბაზილიკის არქეოლოგიური კვლევის და ტაძრის რეკონსტრუქციის პროექტს იწყებს. უძველესი ხელნაწერების მიხედვით ნეკრესის ამიერკავკასიის ერთ-ერთ უძველეს და უძლიერეს ქალაქს წარმოადგენდა, რომლის ფარგლებშიც საფუძველი ჩაეყარა საქართველოს ერთ-ერთ უძველეს სამონასტრო კომპლექს, რომელიც სავარაუდოდ VI საუკუნეს მიეკუთვნება. პროექტი ხორციელდება საქართველოს ეროვნული მუზეუმის ნეკრესის ექსპედიციასთან ერთად და მოიცავს არქეოლოგიურ სამუშაოების, მოპოვებული ნივთების კონსერვაციის და სამონასტრო კომპლექსის აღდგენის ეტაპებს.

პროფესიონალი არქეოლოგების და ისტორიკოსების ხელმძღვანელობით რეკონსტრუკციაში ფონდის 57 მოხალის მიიღებს მონაწილეობას.”